-|- ΤΗ ΙΗ' ΤΟΥ ΑΥΤΟΥ ΜΗΝΟΣ Δεκεμβρίου. Μνήμη τού αγίου Μάρτυρος Σεβαστιανού καί τών σύν αυτώ Μαρτύρων.

-|- ΤΗ ΙΗ' ΤΟΥ ΑΥΤΟΥ ΜΗΝΟΣ Δεκεμβρίου. Μνήμη τού αγίου Μάρτυρος Σεβαστιανού καί τών σύν αυτώ Μαρτύρων.

Ἀπολυτίκιον.
Ἦχος α’. Τῆς ἐρήμου πολίτης.

Συγκλήτου σφαλλομένης παριδῶν τὰ συνέδρια, Σεβαστιανὲ πανολβίαν, συναγείρεις συνέλευσιν, Μαρτύρων ἀληθῶς πανευκλεῶν, σὺν σοῖ καταβαλόντων τὸν ἐχθρόν, μεθ' ὧν θείας συναυλίας ἀξιωθεῖς, φαιδρύνεις τοὺς βοώντας σ

οι, δόξα τῷ δεδωκότι σοι ἰσχύν, δόξα τῷ σὲ στεφανώσαντι, δόξα τῷ ἐνεργούντι διὰ σοῦ, πάσιν ἰάματα.

Δόξα πάτρί. Καί νύν.

Θεοτοκίον.

Τού Γαβριήλ φθεξαμένου σοί,Παρθένε τό χαίρε,σύν τή φωνή εσαρκούτο,ό τών όλων Δεσπότης,έν σοί τή αγία κιβωτώ, ώς έφη ό δίκαιος Δαυΐδ° εδείχθης πλατυτέρα τών ουρανών, βαστάσα τόν Κτίστην σού. Δόξα τώ ενοικήσαντι έν σοί° δόξα τώ προελθόντι έν σού° δόξα τώ ελευθερώσαντι ημάς, διά τού τόκου σου.

Κοντάκιον. Ήχος δ'.
Ό Υψωθείς έν τώ Σταυρω

Τής ευσεβείας διαπρέπων τώ ζήλω, μαρτυρικόν συνασπισμόν συναγείρεις, ών τώ μέσω ήστραψας ώς άστρον φαεινόν* όθεν καί τοίς βέλεσιν, οίς ετρώθης τό σώμα, τού εχθρού κατέστρωσας, τήν καρδίαν καιρίως, μεγαλομάρτυς Σεβαστιανέ* όθεν Χριστός σε, ενθέως εδόξασε.

Συναξάριον.

Τή ΙΗ' τού αυτού μηνός μνήμη τού αγίου Μάρτυς Σεβαστιανού καί τών σύν αυτώ , Ζωής, Τραγκυλίνου, Νικοστράτου, Κλαυδίου, Τριβουρτίου, Καστούλου, Μαρκελλίνου καί Μάρκου.


Στίχ. Σεβαστιανὸς τῶν πλάνης σεβασμάτων,
Καταφρονήσας τύπτεται τὸ σαρκίον.

Ὀγδοάτῃ δεκάτῃ Σεβαστιανὸς ῥοπαλίσθη.

Ζωὴ πρὸς ὕψος ἐκ κεφαλῆς ἠρμένη,
Καπνῷ δυσώδει λαμβάνει ζωῆς τέλος.

Ναί, βάλλετε σφοδρῶς με συχνοῖς τοῖς λίθοις,
Ἐκ καρδίας ἔκραζεν ὁ Τραγκυλῖνος.

Καὶ τοὺς περὶ Κλαύδιον ὧδε τακτέον.
Οὕς, κἄν βυθὸς συνέσχεν, οὐρανὸς φέρει.

Τιβουρτίου τέμνουσι τὴν θείαν κάραν,
Σύ μου Θεὸς κράζοντος, ὦ Θεοῦ Λόγε.

Κάστουλον εἷλκον εἰς ἀπωλείας βόθρον.
Ὡς δ' οὐχ ὑπεῖξε, γῆς ἐνεβλήθη βόθρῳ.

Ἐχθρῶν παγέντες, οἷα λόγχαι, καρδίας,
Νύττεσθε λόγχαις, Μάρκε καὶ Μαρκελλῖνε.

Τή αυτή ημέρα μνήμη τού αγίου Μάρτυρος Ευβιότου.

Στίχ. Ἤθλησεν Εὐβίοτος ἄχρις αἱμάτων,
Βίου δὲ τέρμα εὗρε χωρὶς αἱμάτων.

Τή αυτή ημέρα μνήμη τού οσίου Πατρός ημών Φλόρου, Επισκόπου Αμινσού.

Στίχ. Εἴκων ὁ Φλῶρος τῇ πάλαι κατακρίσει,
Εἰς γῆν ἀπῆλθε· γῆ γὰρ ἦν, καὶ τὶ ξένον;

Τή αυτή ημέρα μνήμη τών αγίων Μαρτύρων Φωκά καί Ερμύλου, διά ξίφους τελειωθέντων.

Στίχ. Ἔγωγε τμηθῶ πρῶτον, Ἕρμυλος λέγει.
Οὔ, φησὶ Φωκᾶς, ἀλλ' ὁ Φωκᾶς Ἕρμυλε.

Τή αυτή ημέρα μνήμη τών αγίων Μαρτύρων Ζακχαίου διακόνου καί Αλφειού αναγνώστου, αθλησάντων έν Καισαρεία.

Στίχ. Ζακχαίος Aλφειός πόθω Θεού Λόγου,
Eίλοντο τον θάνατον ευσεβοφρόνως.

Τή αυτή ημέρα μνήμη τής αγίας καί Θαυματουργού Σοφίας* καί τά Εγκαίνια τού σεβασμίου Οίκου τής Υπεραγίας Θεοτόκου, έν τοίς Χαλκοπρατείοις.

Στίχ. Σκηνήν αγιάζουσι νυν εγκαινίοις,
Tης των βροτών την φύσιν εγκαινισάσης.

Καί μνήμη τού οσίου Πατρός ημών Μιχαήλ Συγκέλου, τού Ομολογητού.

Στίχ. Οὐκ, εἰ τελευτᾷς Μιχαήλ, τοῦτο ξένον·
Ἀλλ' εἰ θανὼν ζῇς, ὥς περ οὖν ζῇς ἀξίως.

Ταίς τών Αγίων σου πρεσβείες ό Θεος, ελέησον καί σώσον ημάς. Αμήν.